توبہ و استغفار
’’ توبہ و استغفار
‘‘ ایک عظیم عبادت ہے جو مندرجہ ذیل شرائط کے ساتھ ساتھ زبان سے توبہ و استغفار کی
کلمات ادا کرکے کی جاتی ہے:
۔ ۱ ۔ اپنے گناہوں پر نادم اور شرمندہ ہونا‘
۔ ۲ ۔ آئندہ گناہ نہ کرنے کا عزم کرنا‘
۔ ۳ ۔ گناہ چھوڑ کر اللہ کی طرف رجوع کرنا‘
۔ ۴ ۔ اپنے رب سے اپنے گناہوں پر معافی مانگنا‘
۔ ۵ ۔ اپنے محبوب رب کو منانے کی فکر کرنا‘
۔ ۶ ۔ آئندہ گناہ کر بیٹھنے کے خطرات سے اللہ کی پناہ طلب کرنا‘
۔ ۷ ۔ اپنے رب سے گناہوں اور انکے اثرات کے خاتمے کا سوال کرنا‘
۔ ۸ ۔
اپنے رب سے ماضی میں کئے ہوئے گناہوں کے شر سے تحفظ اور گناہوں
پر پردہ پوشی طلب کرنا‘
۔ ۹ ۔ دل میں اخلاص کو اختیار کرنا، یعنی اللہ کے عذاب
کا خوف و ڈراور اس کی مغفرت و ثواب کی امید
پر گناہوں کو ترک کرنا‘
۔ ۱۰ ۔ ہر طرح کی نافرمانی چھوڑ کر اللہ اور رسول اللہ ﷺ کی اطاعت و فرمابرداری میں
زندگی گزارنے کی سعی کرنا ۔
۔ ۱۱ ۔ اگر گناہ کا تعلق آدمی
سے ہو تو لوگوں کے حقوق سے خود کو بری کرے ،اگر کسی کا مال یا اس طرح کی کوئی اور چیز لی
ہے تو واپس لوٹا دے، اگر کسی پر جھوٹی تہمت وغیرہ لگائی ہے تواس سے معافی طلب کرے یا
اس کو ”حد“ پر قدرت دے اور اگر کسی کی غیبت کی ہے تو اس کی بھی معافی مانگے ۔
آج کل گناہوں اور فتنوں کی بھر مار ہے ‘ ایسے میں ہر
وقت ہمیں توبہ و استغفار کرنے کی سخت ضرورت ہے
۔ پوری امت کو بحیثیت کل دائمی طور پر استغفار کرنے
کی ضرورت ہے تاکہ پوری امت پر نازل شدہ آفات
اور تکالیف ٹل جائے ‘ نیز آنے والی مصیبتوں
سے تحفظ حاصل ہو ۔
آئیے !اپنے لئے اور سب کے لئے استغفار کیجئے...
اپنے والدین کے لئے استغفار
کیجئے...
اپنی بیوی بچوں کیلئے استغفار کیجئے
اپنے رشتہ
داروں کے لئے استغفار کیا کیجئے...
... سارے مسلمانوں کے لئے استغفار کیا کیجئے ...
... اپنے لئے استغفار کیجئے ... اور اور ... میرے لئے استغفار کیجئے...
اللَّهُمَّ
اغْفِرْ لِي ، إِنَّكَ أَنْتَ التَّوَّابُ الْغَفُورُ
رَبِّ اغْفِرْ لِي
، وَتُبْ عَلَيَّ ، إِنَّكَ أَنْتَ التَّوَّابُ الْغَفُورُ
أَسْتَغْفِرُ
اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ
اللَّهُمَّ
اغْفِرْ لِي ، وَارْحَمْنِي ، وَتُبْ عَلَيَّ ، إِنَّكَ أَنْتَ التَّوَّابُ
الْغَفُورُ
اللَّهُمَّ
اغْفِرْ لَنَا ، وَارْحَمْنَا ، وَتُبْ عَلَيْنَا ، إِنَّكَ أَنْتَ التَّوَّابُ
الرَّحِيمُ